U dittattore - Discorsu di fine

Publié le par U Spargugliatu

Sò propiu disulatu, ma imperatore ùn vogliu esse, ch’ùn hè micca robba meia. Ùn vogliu ne cunquistà, ne rege à nimu. Vuleria solu aiutà à tuttu u mondu, à bella mègliu, ghjùdei, cristiàni, pagani, bianchi è neri. Vuleriamu tutti aiutà ci s’e a pudemu, chì l’essari umani sò cusì fatti. Vuleriamu tutti arrecà a felicità à u nostru sìmule, è micca a disgrazia. Ùn circhemu ne l’odiu ne l’inghjulie per nimu.

Ognunu di noi tene a so piazza soia è a nostra terra hè propiu ricca à bastanza, ella pò mantene tutti l’essàri umani. Pudemu tutti avè una vita bella è libera, ma ci ne simu dimenticati.

L’invìlia hà invelenatu a mente di l’omi, hà stangatu u mondu incù l’odiu, è ci hà affundatu in a miseria è e strage. Avemu sviluppatu a vitezza per chjode ci in noi stessi. E màcchine chì ci arrecanu a bundenza chì lascianu insuddesfi. U nostru sapè ci hè resu sfacciati. Simu inumani à rombu d’intelligenza, pensemu assai troppu per ùn risente micca à bastanza. Simu troppu miccanizati è l’umanità ci face difettu. Simu troppu struiti è manchemu di tennerezza è di gentillezza. Senza ste qualità umane, a vita ùn hè più ch’e viulenza è tuttu hè persu. L’aviòni, a radiò ci anu avvicinati l’uni di l’altri, ma quelle invenzione ùn truveranu u so senzu veru ch’e in a buntà di l’èssari umani, ch’e in a fraternità, l’amicizia è l’unità di tutti l’omi.

In stu mumentu stessu, a mio voce ghjunghje à parechji milioni di ghjente pè ssu mondu, milioni d’omi, di femine, di zitelli addisperati, vittimi d’un sistema chì turminta i debbuli è imprighjuna i nucenti.

A dicu à tutti quelli chì mi sentenu : ùn v’addispirate micca ! A disgrazia chì ci culpisce ùn hè ch’e u pruduttu effèmeru di u gàlabu è di l’amarezza di quelli chì sò impauriti da i prugressi adempiiti da l’Umanità. Ma per fine, l’odiu smariscerà, i dittatori moreranu, è u putere ch’elli avianu arrubbatu à i populi rivulterà à i populi. È fin ch’e omi seranu pronti à more per ella, a libertà ùn si spenghjerà mai.

Suldati, ùn vi porghjite micca à quelli bàrbari, à una minurità chì vi disprezza è chì face di voi i so schjavi, inrighjimenta tutta a vostra vita è vi dice tuttu cio ch’e avete da fà, è da pensà, chì vi rege, vi maneghja, si ghjova di voi cume carne da macellu è vi tratta cume bistiame.

Ùn date micca a vostra vita à quelli essàri inumari, quell’omi-macchìne, chì tenenu una macchìna per solu capu, è una macchìna in u so core.

Ùn site micca màcchine !

Ùn site micca schjavi !

Site mi, omi incù tuttu l’amore di u mondu in u core.

Ùn tenite nisun odiu, fora di quellu per tuttu cio chì hè inumanu, cio ch’ùn hè fattu d’amore.

Suldati, ùn vi battite micca per a schjavitù, ma per a libertà.

Hè scrittu in u Vangelu sicondu à San’Lucca « U Reame di Diu hè in l’èssaru umanu », micca in un solu umanu, nemancu in un gruppu umanu, ma dentru tutti l’umani, ma in voi, in voi populu, chì tenite u putere, u putere di creà e macchìne, u putere di creà a felicità. Voi, u populu, avete u putere, u putere di rende a vita bella è libera, u putere di fà di sta vita un avvintura maravigliosa.

Tandu, à nome di a Dimucrazia, femu usu di stu putere. Ci tocca à addunisce ci, ci tocca à batte ci per un mondu novu, un mondu umanu chì darà à ognunu l’occasione di travaglià, chì arrecherà un avvene à a ghjuventù è una sicurezza à a vechjaia.

Sti bàrbari vi anu prumessu tutte ste cose per ch’e vo li dieti u putere : buciardavanu. Ùn anu micca tenutu e so meravigliose prumesse è mai ùn a feranu. I dittatori s’affrancanu pigliendu u putere, ma facenu di u populu u so schjavu.

Tandu ci tocca à batte ci per adempie tutte e so prumesse. Ci tocca à batte ci per liberà u mondu, per francà e fruntiere è e sarrende razzale, per fà la finita incù l’ingurdizia, l’odiu è l’intullirenza. Ci tocca à batte ci per custruisce un mondu di raghjone, un mondu duve a scenza è u prugressu arrecheranu tutti l’omi versu a felicità.

Suldati, à nome di a Dimucrazia, adduniscemu ci tutti !

 

 

 

Publié dans Adattazione

Pour être informé des derniers articles, inscrivez vous :

Commenter cet article